الصحافة العبرية مش عارفة تنام من ساعة ما سمعت إن الدبلوماسي نبيل فهمي هو اللي هيستلم دفة جامعة الدول العربية.
صحيفة يديعوت أحرونوت منزلة تقرير يخوف، وبتقول بالبونت العريض: إسرائيل داخلة على أيام سودة، والراجل ده تحدي صعب جدا لتل أبيب!
ليه إسرائيل مرعوبة من نبيل فهمي بالذات؟
الست سمادار بيري خبيرة الشؤون العربية عندهم، بتقول إنها عارفاه كويس، ووصفته بـ المثقف والمنفتح، بس ده السم في العسل!
الراجل ده شرب السياسة من صغره، ده ابن إسماعيل فهمي اللي رفض يروح القدس مع السادات واستقال من منصبه.. يعني ابن وز عوام ومواقفه من فلسطين مفيهاش فصال.
إيه اللي بيقلقهم أكتر؟
1️⃣ خبير الكواليس: الراجل ده من أيام مؤتمر مدريد 1991 وهو فاهم كل ألاعيب إسرائيل.
2️⃣ كلمته مسموعة: يقدر يجمع مصر والسعودية على قلب رجل واحد، وده معناه حائط صد عربي ملوش حل.
3️⃣ لغز خان الخليلي: ظهوره في عشاء سري مع وزير خارجية إيران في قلب القاهرة جنن الموساد.. بيفكر في إيه يا فهمي؟
إسرائيل بتقولها صريحة: مفيش حاجة سهلة مع نبيل فهمي.. والمنطقة شكلها داخلة على شد وجذب من نوع تقيل. هل قدر يرجع هيبة الجامعة العربية تاني ويوقفهم عند حدهم؟
منقول
